নাজমুল ইসলাম মকবুল এর গীতিকবিতা মজার ঝালমুরি

মজার ঝালমুরি
(সিলেটী ভাষায় গীতিকবিতা)
নাজমুল ইসলাম মকবুল

কাইলকুতনে আমার পুয়ায় গাইতে আছে ঘুরি
করুতেলদি মাখাইয়া খাইতোবুলে মুরি।।

মুরিরলগে দিতাবুলে ছানাছুর উরউরা
নাগামরিছ থুড়া দিতা ঝাল অইতো পুরপুরা
আরও মজা অইবো দিলে ছানা বিরান করি।।

ছুলাইয়া পিয়াইজ দিতা করিয়া কুচি কুচি
গরম মশলা দিতাবুলে মুখো অইতো রুচি
মাঝে মাঝে ইতা খাইয়ো লইয়া পুয়া পুড়ি।।

ঘরান অইবারলাগি বুলে দিতা বাখরর পাতা
টেমেটু আর গাজরবুলে আরও কততা
হক্কলতাদি ঘুটলে যে অয় মজার ঝালমুরি।।

…………………………..
নাজমুল ইসলাম মকবুল
সাংবাদিক কবি সংগঠক
সভাপতি, সিলেট লেখক ফোরাম