নাজমুল ইসলাম মকবুল এর সিলেটী গীতিকবিতা “ঘষা”

ঘষা

নাজমুল ইসলাম মকবুল

ঘষা মারে ঘষা মারে ঘষা মারে ঘষা

কারে মারে ঘষা

কিলা মারে ঘষা

হুনো নাতিনশা

এনরে দিয়া তাইনরে ঘষাই করে জা-দশা।।

উপরে উঠতে নেতায় নেতায় করইন ঘষাষষি

ঠিকেট পাইতেও তারা আরবার করইন ঘষাঘষি

ইলেকশনো লগরজনরেও মারতে থাকইন ঘষা।।

বিছারোগি মুরব্বীনতেও করইন ঘষাঘষি

কারে কিলা ফুতাইতা করইয়া ঘষাঘষি

তারার ঘষায় বিছারপ্রার্থীর বাড়ে হতাশা।।

দুর্বল অইলে ঘষা খাইয়া করইন ছাটাছাটি

হমে হমে অইলে তারা করইন লাটালাটি

মিঠা মিঠা মাত না মাতি মাতইন কেনে কষা।।

সংগঠন ক্লাব সমিতিতেও চলে ঘষাঘষি

কাঞ্চি মারইন পদরলাগি চলে রেষারেষি

নাজমুলে কইন ঘষাঘষি খারাপ করে দশা।।

……………………………………………………………………

রচনাকাল: ১০ জানুয়ারী ২০২২, রাত ৯টা