নাজমুল ইসলাম মকবুল এর গীতিকবিতা “কারে দিয়া কেমনে লাগাই”

নাজমুল ইসলাম মকবুল এর গীতিকবিতা

কারে দিয়া কেমনে লাগাই

কারে দিয়া কেমনে লাগাই বিছার করতা গিয়া ছাইন

আমরা ঘরর তাইনে খালি বাইন লাগাইন।।

বিছার করার দাওত পাইতে পথরবায়দি খালি ছাইন

আমরা ঘরর তাইনে খালি বাইন লাগাইন।।

মাইনষর ভালা দেখলেবুলে গতরো তাইনর জ্বলে

আলগাথাকি বেঙ্গা লাগাই থাকইন তলে তলে

তাইনউ আরবার বিছার করতে টখ ধরিয়া খালি ছাইন

তাইনউ আরবার বিছার করতে পথরবায়দি খালি ছাইন

আমরা ঘরর তাইনে খালি বাইন লাগাইন।।

সামনে পাইলে মারতে থাকইন খাটি হইরর তেল

হরলেউ কইন ইতাবুলে তাইনর আজব খেল

আমল যায়না ধইলে তাইনর কারে কিলা ঠগতা ছাইন

আমল যায়না ধইলে তাইনর ধান্দা মান্দা করি খাইন।।

ইলেকশনর সময় পাওয়ো ধরইন আইনজাকরি

উনদা অইয়া কইন মাথাখান আথাও মায়াকরি

পাশ করিয়া ছউক বদলিয়া বুড়ি আঙ্গুইল দেখাইন তাইন

পাশ করিয়া হালা ডাকি উল্টা আরও তালা লাগাইন।।

আন্দোলনর সময় ভাগইন মোবাইল বন করিয়া

নেতা নেত্রী দেখলেগিয়া হনাদি ঠেলাইয়া

তারারলগে ফটো তুলি ঘরো-নি দেখাইতা ছাইন

তারারলগে ফটো তুলি ছাছিরে দেখাইতা ছাইন।।