নাজমুল ইসলাম মকবুল এর গীতিকবিতা “আমরা ঘরর তাইন”

আমরা ঘরর তাইন
নাজমুল ইসলাম মকবুল

আমরা ঘরর তাইন গাউ গেরামো যাইন
উল্টা পাল্টা ছাল্লা দিয়া মাইর লাগাইয়া আইন।।

গাউ গেরামো বিছার লাগলে খুশির সীমা নাই
কতবইলে দাওত পাইতা সোনার মাইগ্গো মাই
ঘুষ খাইয়া বিছার করইন আইনরে বানাইন গাইন।।

বাদী বিবাদীর লগে করইন কানাকানি
টেখছিরেবা করজ কিছু টেখা দেও আনি
ফাটা বাশর ছিফাত রাখি টেখা কামাইন তাইন।।

চোররে কইন চুরি কর গিরছরে কইন ধর
সামনে ডাখইন আপন ভাইমোর আপরখে খইন পর
মলম বেছতে জবর ভালা লাগাইন খালি বাইন।।

ইলেকশনর সময় আইলে পায়ে ধরইন গিয়া
মাথা আতাইন ফুঁ দেওয়াইন মুরব্বীদের দিয়া
নির্বাচনর পরে আবার বুড়িডিম দেখাইন।।

আন্দোলনর সময় ভাগইন মোবাইল বন করিয়া
সুদিন দেখলে সামনে থাকইন মাথা আছরাইয়া
নেতা নেত্রীর পাশে গিয়া ফটো তুলতা ছাইন।।